Litvalıları iqlim dəyişikliyi yox, qiymət artımı daha çox narahat edir

"Eurobarometer” sosial xidmətinin apardığı sorğunun nəticələrinə əsasən, Avropa İttifaqı (Aİ) ölkələrinin sakinləri arasında litvalılar qiymətlərin və vergilərin artmasından daha çox narahatlıq keçirən xalqdır. Litva sakinləri iqlim dəyişikliyindən isə qədər də narahat deyillər.
AZƏRTACyerli mətbuata istinadla xəbər verir ki, aparılan sorğuya əsasən, litvalıların 52 faizi artan qiymətləri, inflyasiyanı və yaşayış üçün zəruri olan səviyyənin yüksəldiyini qeyd edib. Bu da orta göstəricidən təxminən 3 dəfə çoxdur.
Litvalıların seçdiyi variantlar arasında ikinci yerdə 25 faizlə vergi durur. Aİ-də isə respondentlərin 8 faizi bu cavabı seçib.
Litvada respondentlərin yalnız 4 faizi ətraf mühit, iqlim və enerji məsələsinin hazırda ölkəni narahat edən ən vacib problemlər arasında olduğunu söyləyib. Bu məsələni isə Aİ ölkələrində respondentlərin 23 faizi qeyd edib.