“Kənd yerlərində əlilliyi olan şəxslərə hüquqi xidmətin göstərilməsi”
Azərbaycan Respublikası Əlil Təşkilatları İttifaqı (ƏTİ) "UNİVERSAL
DİZAYN” Əlillik Adaptasiya Avadanlıqları MMC ilə birgə əməkdaşlıqla Niderland Krallığının Xarici İşlər
Nazirliyi tərəfindən maliyyələşdirilən və Qafqaz Tədqiqat və Resurs Mərkəzi –
Gürcüstan təşkilatı tərəfindən icra olunan "Vətəndaş Cəmiyyətinə Dəstək Proqramı” çərçivəsində "Kənd yerlərində əlilliyi olan şəxslərə hüquqi xidmətin göstərilməsi”
fəaliyyətini həyata keçirir. Layihənin əsas fəaliyyət istiqaməti İsmayıllı,
Quba, Bərdə rayonlarının ucqar kəndlərində əlilliyi olan şəxslərə səyyar hüquqi
xidmətlərin göstərilməsindən ibarətdir.Xidmət çərçivəsində
Quba rayonunun Vəlvələ (ətraf kəndlər daxil olmaqla), Alpan (ətraf kəndlər
daxil olmaqla) 10 kəndində əlilliyi olan şəxslərlə görüşlər keçirilmişdir. Əsas
məqsəd ehtiyaclarının, əsasən hüquqi yardıma vacib ehtiyac olan sahələri
aydınlaşdırmaqdan ibarət olmuşdur.Qeyd olunan ərazi
vahidlərində yaşayan 34 nəfər əlilliyi olan şəxslər, onların valideyn və
qohumları, səhiyyə işçiləri ilə fokus qruplar təşkil olunmaqla ehtiyaclar öyrənilmişdir.Digər
rayonlarda da vəziyyət analoji üsulla qiymətləndirildikdən sonra hüquqi xidmətlərin
təşkili nəzərdə tutulur.