«Kaspi»nin təbrik məktubu Tatarıstan Yazıçılar Birliyinə təqdim olunub
Tatarıstan
Yazıçılar Birliyinin 85 illik yubileyi münasibəti ilə «Kaspi» qəzetinin təbrik
məktubu bu ölkənin Yazıçılar Birliyinə təqdim olunub. Təbrik məktubunu
Tatarıstanda yaşayan soydaşımız, Tatarıstan Vəkillər Palatasının üzvü, ictimai
xadim, Azərbaycanda və Tatarıstanda işıq üzü görən bir çox ortaq nəşrlərin
redaksiya heyətinin üzvü İsmət Orucəliyev təqdim edib. Məktubu qəbul edən
Tatarıstan Yazıçılar Birliyinin başçısının birinci müavini, şair-tərcüməçi
Rəmis Aymət xoş sözlərə görə qəzetin rəhbərliyi və yaradıcı heyətinin adına
təşəkkürünü səsləndirib, fəaliyyətində uğurlar arzulayıb. Qeyd edilib ki, "Kaspi”
qəzeti ilə Tatarıstan Yazıçılar Birliyi arasında münasibətlər, vaxtaşırı
qarşılıqlı səfərlər ümumən türkdilli ölkələrin əlaqələrinin daha da
möhkəmləndirilməsinə xidmət edir.