AZƏRBAYCANDA KORONAVIRUSLA BAĞLI XƏBƏRLƏR

Jurnalistlər Füzulidə Aşağı Köndələnçay su anbarında olublar

Jurnalistlər Füzulidə Aşağı Köndələnçay su anbarında olublar

Cəmiyyət
16 İyun 2021, 10:33 101
Bir qrup jurnalist işğaldan azad olunan Füzuli rayonuna səfər çərçivəsində Aşağı Köndələnçay su anbarında olublar.
 
APA-nın Füzulidə olan əməkdaşının verdiyi xəbərə görə, media nümayəndələrinə anbar, onun texniki göstəriciləri barədə məlumat verilib. Füzuli suvarma sistemləri idarəsinin əməkdaşı Atakişi Babayev deyib ki, su anbarı bizim üçün çox yararlı olacaq. Onun sözlərinə görə, Köndələnçayın üzərində 3 su anbarı var: "Hazırda olduğumuz yer ən böyüyüdür. 9,5 milyon kubmetr su tutumu var, 62 min hektar əkin sahəsinin suvarılması nəzərdə tutulub. Bu su anbarından təkcə işğaldan azad edilən ərazilər deyil, digər ərazilərin də suvarılması nəzərdə tutulur”.
 
Xatırladaq ki, Azərbaycan Respublikasının Prezidenti İlham Əliyev və birinci xanım Mehriban Əliyeva iyunun 14-də Füzuli rayonuna səfər çərçivəsində Aşağı Köndələnçay su anbarında olublar.
Su anbarı Ümummilli lider Heydər Əliyevin göstərişi və təşəbbüsü ilə 1980-ci illərin əvvəllərində inşa olunub. Hazırda anbarların gələcək istismarı ilə bağlı müvafiq göstərişlər verilib.

Qeyd edək kli, jurnalistlərin Füzuliyə səfəri Medianın İnkişafı Agentliyi, AZAL, Azərbaycan Avtomobil Yolları Dövlət Agentliyi (AAYDA), "Azərenerji” ASC və "Azərbaycan Melorasiya və Su Təsərrüfatı" ASC-nin təşkilatçılığı ilə keçirilir.