Bakı 13°C
“ITE Azerbaijan” “Microsoft”un rəsmi qlobal təlim tərəfdaşı oldu
"Microsoft” şirkəti "ITE Azerbaijan” Təhsildə İnnovativ Texnologiyalar Əlavə
Təhsil Mərkəzini təhsil profili üzrə özünün rəsmi qlobal təlim tərəfdaşı kimi
qeydiyyatını təsdiqləyib. "ITE Azerbaijan”dan kaspi.az-a
verilən məlumata görə, uzun müddətdir ki, Azərbaycanda müəllimlərin İKT
savadlılığının artırılması və təhsildə İKT-nin tətbiqi istiqamətlərində İTE və
"Microsoft" şirkəti əməkdaşlıq edir. Bu əməkdaşlıqlar çərçivəsində
minlərlə müəllimin təkmilləşdirilməsi və mütərəqqi bilik və bacarıqlara yiyənləməsinə
nail olunub. Bu tərəfdaşlıq öyrənmək üçün texnoloji imkanlardan səmərəli
istifadəni artırmağı hədəfləyir və müəllim, həmçinin təhsil liderlərinin təlim
tərəfdaşları və təhsil konsultantları ilə əlaqəsini təmin etmək məqsədi
daşıyır.
Ona görə, sözügedən
tərəfdaşlıq istiqamətində təhsilverənlərə ixtisasartırma təlimləri verilməsi ilə
yanaşı, onların texnoloji vasitələrdən istifadə bacarıqları da inkişaf
etdirilir.
Qeyd edək
ki, ITE tərəfdaşlıq çərçivəsində 2 kateqoriya üzrə nişan alıb: "Qlobal təlim
tərəfdaş" proqramı iştirakçısı və "Minecraft Qlobal" təlim tərəfdaşı.
Xatırladaq
ki, 2012-ci ildə təsis edilmiş Təhsildə İnnovativ Texnologiyalar Əlavə Təhsil Mərkəzi
təhsilverənlərin və təhsil sahəsinin liderlərinin potensialının gücləndirilməsi,
öyrətmə və öyrənmə prosesinin inkişafı, təhsilin yeni paradiqmalar və yenilikçi
strategiyalar əsasında formalaşmasına dəstək verir.
Link:
