İnyesta həmin şəklə görə üzr istədi
"Barselona”nın
sabiq futbolçusu, hazırda Yaponiyanın "Vissel Kobe” klubunda çıxış edən Andre
İnyestanın tənqidlərə tuş gəldiyi barədə məlumat vermişdik.
Kaspi.az xəbər
verir ki, İnyesta sosial şəbəkədə paylaşdığı şəkildən sonra rasizmdə ittiham
edilmişdi. Şəkildə iki nəfərin qrim edilərək, qaradərili formasına salınması
sosial şəbəkə istifadəçilərini qəzəbləndirmişdi.
İnyesta ictimai
qınağı nəzərə alaraq üzr istəməli olub. Məsələ ilə bağlı İnyestanın nümayəndəsi
açıqlama yayaraq, futbolçunun heç kimin xətrinə dəymək niyyətində olmadığını
bildirib. O, bu şəklə görə mənəvi əziyyət çəkən hər kəsdən üzr istədiklərini
vurğulayıb.