İngilis yazıçısı Rozamunda Pilçer vəfat edib

İngilis yazıçısı Rozamunda Pilçer qısamüddətli xəstəlikdən sonra vəfat edib. Trend-in məlumatına görə, yazıçı 95 yaşında Şotlandiyada dünyasını dəyişib.
Məlumata görə, Pilçer Şotlandiyanın Dandi şəhərində vəfat edib.
Pilçer 10-dan çox roman yazıb, onlardan ən çox Pilçerə uğur qazandıran "Ailə mirası” (The Shell Seekers) əsəri olub. Əsər milyonlarla tirajla buraxılıb və satılıb.
Pilçerin əsərləri daha çox Almaniyada məşhurdur və burada onun əsərləri əsasında teleseriallar çəkilir.