İndoneziya səfiri tələbələrə mühazirə oxuyub - Fotolar
Azərbaycan
Dillər Universitetində (ADU) universitetin İndoneziya Araşdırmalar Mərkəzinin təşəbbüsü,
professor Həbib Zərbəliyevin təşkilatçılığı ilə İndoneziyanın ölkəmizdəki fövqəladə
və səlahiyyətli səfiri Hüsnan Bəy Fənani ADU-nun indoneziyaşünaslıq ixtisası
üzrə təhsil alan I-IV kurs tələbələrinə mühazirə oxuyub.
"İndoneziya XX əsrin
sonları-XXI əsrin əvvəllərində” adlı mühazirə çərçivəsində səfir təmsil etdiyi
ölkənin müasir tarixi haqqında ətraflı məlumat verib.
İnteraktiv formada təşkil
olunan mühazirədə Pancasila fəlsəfəsi prinsipi, Şərqi Timor məsələsi,
İndoneziya tolerant ölkə kimi və s. məsələlərə də toxunulub.
Görüş tələbələri
maraqlandıran sualların cavablandırılması ilə yekunlaşıb.