İbrahimoviçin nifrət etdiyi 4 futbolçudan biri

"Los-Anceles Qelaksi”nin futbolçusu Mikael Siani sabiq həmklubu Zlatan İbrahimoviç barədə danışıb.

Kaspi.az xəbər verir ki, Siani İbranın xarakeri ilə bağlı müşahidəsini bölüşüb. O, isveçli hücumçunun nifrət etdiyi futbolçu haqda da danışıb:

"Əgər sən Kavani ilə dostluq edəcəksənsə, bu, İbranın xoşuna gəlməyəcək. Sən ya Zlatanın dostusan, ya da düşməni. "Los-Anceles Qelaksi”də oynadığımız zaman onunla söhbət edirdim. İbra deyirdi ki, Loran Blanla yaxşı münasibətləri olub.

Amma PSJ-nin hücum xəttindəki futbolçularla münasibəti qaydasında olmayıb. Kavani, Paris klubunda Zlatanın yola getmədiyi futbolçulardan idi.

O deyirdi ki, 4 futbolçuya nifrət edir ki, onlardan da biri Kavanidir”.