AZƏRBAYCANDA KORONAVIRUSLA BAĞLI XƏBƏRLƏR

Hulusi Akar:

Hulusi Akar: "Niyyətimiz Ermənistanın səhv addım atmamasıdır"

Təfsilat
15 Sentyabr 2021, 16:03 95
Bizim niyyətimiz Ermənistanın atəşkəsə əməl etməsi, hər hansı bir səhv addım atmaması, bölgədə atəşkəsin qalıcı olması və sabitliyin təmin olunmasıdır.

Kaspi.az-ın məlumatına görə, bunu Türkiyənin milli müdafiə naziri Hulusi Akar Konyada "TurAz Şahini 2021" birgə təlimləri çərçivəsində brifinq zamanı deyib.

O bildirib ki, Ermənistana təklif olunan sülhün qəbul edilməsi çox vacibdir: "Təəssüf ki, bu günə qədər tam cavab alınmayıb. Amma bununla bağlı bəzi işarələr var. Bizim məqsədimiz tərəflərin sülh, əmin-amanlıq, təhlükəsizlik və rifah şəraitində yaşamasıdır. Bizim niyyətimiz isə Ermənistanın atəşkəsə əməl etməsi, hər hansı bir səhv addım atmaması, bölgədə atəşkəsin qalıcı olması və sabitliyin təmin olunmasıdır". (Trend)