Hollandiya millisinin və “Qalatasaray” klubunun futbolçusu karyerasını başa vurub
Hollandiya millisinin sabiq futbolçusu Uesli Şneyder karyerasını başa vurub.
AZƏRTACTASS informasiya agentliyinə istinadla xəbər verir ki, futbolçu 2018-ci ildən Qətərin "Əl Qarafa” klubunun şərəfini qoruyub. Şneyder karyerası ərzində, həmçinin Hollandiyanın "Ayaks”, İspaniyanın "Real Madrid”, İtaliyanın "İnter”, Türkiyənin "Qalatasaray” və Fransanın "Nitsa” klublarında çıxış edib.
Ueslinin Hollandiya millisində keçirdiyi 134 görüş yığmanın tarixində rekord nəticədir.