• cümə, 29 Mart, 17:39
  • Baku Bakı 14°C

Güləş üzrə dünya çempionatını Azərbaycan yığması ikinci yerdə başa vurub

24.09.16 21:24 1143
Güləş üzrə dünya çempionatını Azərbaycan yığması ikinci yerdə başa vurub
Makedoniyada keçirilən güləş üzrə hərbçilərin 31-ci dünya çempionatı başa çatıb.
MOİK mətbuat xidmətindən Trend-ə verilən xəbərə görə, Skopye şəhərinin ən böyük idman arenalarından biri Boris Traykovski adına İdman Mərkəzində Beynəlxalq Hərbi İdman Şurasının (CİSM) himayəsi altında keçirilən çempionatda Azərbaycan yığması ümumi komanda hesabında 53 xal toplayaraq yarışları ikinci yerdə başa vurub.
Çempionatda Rusiya Federasiyası 61 xalla birinci, Ukrayna isə 52 xalla üçüncü yerə layiq görülüblər.
Sərbəst və yunan-Roma güləş növləri üzrə yarışlarda iştirak edən idmançılarımız 2 qızıl, 4 gümüş və 3 bürünc olmaqla ümumilikdə 9 medal qazanıblar.
Xatırladaq ki, Azərbaycanın Müdafiə Nazirliyinin Mərkəzi Ordu İdman Klubunun (MOİK) komandasının da qatıldığı hərbçilərin güləş üzrə dünya çempionatında 35 ölkədən 300-dən çox idmançı iştirak edib.
banner

Oxşar Xəbərlər