Gəncədə azyaşlını maşın vurub

Gəncədə piyadanın vurulması ilə nəticələnən yol qəzası baş verib.
APA-nın yerli bürosunun məlumatına görə, hadisə şəhərin Nizami Gəncəvi prospektində qeydə alınıb. Göygöl rayon sakini, 2014-cü il təvəllüdlü Elgün Məmmədovu yolu keçmək istəyən zaman maşın vurub. Azyaşlı dərhal xəstəxanaya yerləşdirilib, vəziyyətinin kafi olduğu bildirilir.
Hadisə yerinə DYP əməkdaşları cəlb olunub. Faktla bağlı araşdırma aparılır.