• cümə axşamı, 28 mart, 14:09
  • Baku Bakı 16°C

Fərid Şəfiyev: "Ermənistan hökuməti milli ədavəti qızışdırır"

05.05.21 20:00 832
Fərid Şəfiyev: "Ermənistan hökuməti milli ədavəti qızışdırır"
Ermənistan hökuməti milli ədavəti qızışdırmağa davam edir. Onların düşmənçilik fəaliyyəti nəinki müharibədən əvvəl və müharibə vaxtı, həm də sonrakı dövrə xasdır.
"Report”xəbər verir ki, bu fikirlər Beynəlxalq Münasibətlərin Təhlili Mərkəzi idarə heyətinin sədri Fərid Şəfiyevin "Ermənistanda Azərbaycan fobiyası: ermənilərin müharibədən əvvəlki və sonrakı mülahizələrində ədavət” adlı məruzəsində yer alır.
"İyirmi ildən artıqdır Azərbaycan və dünya birliyi Ermənistan ilə Azərbaycan arasında sülhü bərqərar etməyə çalışarkən Ermənistan tərəfi barışıq istiqamətindəki bütün səyləri israrla geri çevirir. Bunun əvəzində Ermənistan hökuməti milli ədavəti qızışdırmağa davam edib (və edir) ki, nəticədə iki ölkə arasında yeni müharibə baş verdi. Araşdırmadan göründüyü kimi, bu düşmənçilik nəinki müharibədən əvvəl və müharibə vaxtı, həm də sonrakı dövrə xasdır” - deyə, məruzədə qeyd olunur.
Ermənilər tərəfindən Azərbaycanın Xocavənd şəhərində bədnam Qaregin Njdenin heykəlinin qoyulması, Azərbaycan və Türkiyə bayraqlarının yandırılması, ABŞ ermənilərinin Azərbaycan bayrağına geyindirdikləri manekeni rəmzi dar ağacına çəkmələri, Ermənistan cəmiyyətinin müxtəlif təbəqələrində qisasçılıq və yeni müharibə çağırışlarının açıq-aşkar səsləndirilməsi ermənilərin azərbaycanlılara qarşı ədavətinin daha da artmasına dəlalət edir.
"Bu meyllər ədavət dilinin sıx işlənməsində də özünü göstərir. Beləliklə, nə münasibətlərin qurulmasından danışaraq, eyni zamanda əhalisini qıcıqlandırmaqdan da qalmayan Ermənistan hökuməti, nə Zori Balayan, Silva Qapıtikən, Qaregin Njde kimi xadimlərin təsiri altında olan Ermənistan ictimaiyyəti, nə də bəzən bunlardan daha radikal ovqata tutulan diaspor erməniləri ardıcıl dialoqa hazırdır” - deyə, ekspert məruzəsində vurğulayır.
banner

Oxşar Xəbərlər