Erməniləri bir xalq adı altında toparlayan terror təşkilatları olub
Ermənistan terrorçu Soqomon Teyliryana abidə ucaltmaqla növbəti dəfə
terroru dövlət səviyyəsində dəstəklədiyini bəyan etmiş oldu. Bundan əvvəl isə
II Dünya müharibəsində qəddarlığı ilə faşistlərin "rəğbətini” qazanan Qaregin
Njdeyə abidə ucaldılmışdı. Həmin dövrdən indiyədək edilən etirazların əksinə
olaraq Ermənistan daha da irəliyə gedərək Osmanlı imperiyasının zabiti Tələt
paşanı qətlə yetirən daşnak terrorçu Soqomon Teyliryana heykəl qoyub. Heykəldə
terrorçunun ayağı altında Tələt paşanın kəsilmiş başı əks olunub. Bütün bunlar
bir daha Ermənistan dövlətinin məqsəd və məramını aydın şəkildə göstərmiş olur.
Ermənilər "qəhrəman” hesab etdikləri bu qatil və terrorçuların böyük
əksəriyyəti türklərə və azərbaycanlılara qarşı qətliamlar törədən şəxslər
olublar. Terrorçu S.Teyliryanın heykəli ilə bağlı həm Türkiyə, həm də
Azərbaycandan etirazlar başlayıb. Hər iki ölkə ictimaiyyəti Ermənistana qarşı
sərt təpkilərin göstərilməsi üçün çıxışlar edirlər. Əsas məqam isə ondan
ibarətdir ki, Ermənistanda terrorçulara abidə ucaldılması birmənalı şəkildə bu
ölkənin terroru dəstəklədiyini sübut edir. Görəsən, bu faktlardan çıxış edərək,
Azərbaycan və Türkiyə hansı addımlar atmalıdır?
Mövzu ilə bağlı "Kaspi” qəzetinə açıqlamasında Milli Məclisin deputatı Musa Qasımlı bildirdi ki, Ermənistanın
terrorçulara abidə qoyması səbəbsiz deyil: "Bunun tarixi kökləri var.
Erməniləri bir xalq adı altında toparlayan terror təşkilatları olub. Ermənilər
qorxduqları üçün terror təşkilatlarına pul verirdilər və mütəşəkkil hərəkət edirdilər.
Sonradan 1918-ci ildə tarixi Azərbaycan torpaqlarında Ermənistan Respublikası
yaradılanda onun da təməlində terror təşkilatları dayanıb. Yəni, bu gün biz erməni
xalqı deyəndə terror təşkilatı nəticəsində formalaşmış xalqı ehtiva edirik.
Ermənistan dövləti deyəndə isə terror təşkilatlarının yaratdığı dövləti nəzərdə
tuturuq. Ona görə də ermənilərin terrorçulara abidə qoymasından təəccüblənmək
lazım deyil”.
M.Qasımlının sözlərinə görə, Ermənistanda terror dövlət siyasətinə
çevrilib: "Ermənistan terrorçuları himayə edir və beynəlxalq miqyasda terrorçu
kimi tanınan şəxslərə abidlər qoyur. Faşistlərlə əlaqəsi olan, onlarla
əməkdaşlıq etmiş şəxslərə abidənin qoyulması da buradan qaynaqlanır. Bu gün
Ermənistan erməni faşizmi siyasətini yürüdən bir ölkədir. Azərbaycan və Türkiyə
nə edə bilər? Hesab edirəm ki, həm Türkiyənin, həm Azərbaycanın, eləcə də
terror əleyhinə olan ölkələrin rəsmi qurumları, kütləvi informasiya vasitələri
bu barədə geniş informasiyalar yaymalıdırlar, beynəlxalq təşkilatlara
müraciətlər etməlidirlər”.
Millət vəkili Fazil Mustafa bildirdi ki,
ermənilərə cavab olaraq, Bakıda Nuru Paşanın ayaqları altında Lalayanın
kəsilmiş başı əks olunan heykəl qoyulmalıdır: "Ermənilər Tələt Paşanı qətlə
yetirmiş Soqomon Teyliryanı "qəhrəman” hesab edir, ona terrorçu kimi baxmır.
Amma biz real qəhrəmanlarımıza dəyər vermiriksə, erməni nə edə bilər?
Ümumiyyətlə, ermənilərin mövcudluğu terror üzərində qurulub. Ermənilər başqa
xalqlara qarşı terror edənləri özlərinin "qəhrəmanı” hesab edirlər. Biz nə
etməliyik? Biz "Difai”nin qurucusu Əhməd bəy Ağaoğlunun heykəlini ucaltmalıyıq,
xatirəsini əbədiləşdirməliyik. O, erməninin qarşısına çıxan, məhv edən,
terrorçularını sıradan çıxaran Azərbaycan ziyalısıdır. Hesab edirəm ki, biz
bunları etməliyik. Ermənilərin etdiyinin cavabı budur”.
F.Mustafanın fikrincə, o dövr deyil ki, terrorçuya abidə qoyulması
ilə bağlı BMT-yə şikayət edəsən: "İndi hansı dövrdür ki, belə bir addım atasan?
Ona görə də ilk növbədə öz qəhrəmanlarımıza dəyər verməliyik, onlara diqqət
etməliyik. Xalq da görməlidir ki, Nuru Paşa gəlib Bakını ermənilərdən azad edib
və onun heykəli ucaldılıb. Ermənilər bütün kitablarında Nuru Paşanı nifrətlə
xatırlayırlar”.
Türkiyə-Azərbaycan
Dərnəkləri Federasiyasının sədri Bilal Dündar bildirdi ki, yüz illərdir
türk xalqlarının mehriban qonşuluq siyasətindən istifadə edən ermənilər daim bu
coğrafiyada qətliamlar ediblər: "Birinci Dünya müharibəsi zamanında Osmanlı
imperiyasının süqutundan istifadə edən erməni terrorçuları bu ərazidə yaşayan
müxtəlif xalqlara qarşı amansız vəhşiliklər törədiblər. Sonrakı dövrlərdə də
analoji terror azərbaycanlılara qarşı edilib. Dağlıq Qarabağ ərazisində Xocalı
rayonunda erməni cinayətkarları tərəfindən törədilən soyqırımı dünya tarixinin
ən böyük vəhşiliyidir. Xocalıda və Dağlıq Qarabağın müxtəlif şəhər və
rayonlarında baş verən cinayətlərin həyata keçirilməsində ASALA terror
təşkilatının qatilləri iştirak edib. Həmin cinayətkarlar 1980-ci illərdə
dünyanın fərqli ölkələrində onlarla türkiyəli diplomatı qətlə yetirdi”.
B.Dündarın sözlərinə görə, Türkiyə və Azərbaycan bölgədə sülh və
sabitliyin təmin olunması üçün çalışsa da, erməni təxribatı bu gün də davam
edir: "Yerevanda terrorçu Soqomon Tehrleryanın heykəlinin ayaqları altında
Tələt paşanın kəsik başını qoyan ermənilər gələcək nəslə türk düşmənçiliyini
təbliğ edirlər. Bununla da tarix boyu münaqişələrə və qana doymayan ermənilər
sülh və sabitliyin təmin olunmasına imkan vermirlər”.
BƏXTİYAR