• cümə, 29 Mart, 16:04
  • Baku Bakı 14°C

Ermənilər Tərtərdə qəbiristanlığa top atıb, onlarla məzar dağılıb

27.04.16 18:17 3441
Ermənilər Tərtərdə qəbiristanlığa top atıb, onlarla məzar dağılıb
Erməni hərbi birləşmələrinin ağır artilleriyadan açdığı atəş nəticəsində yararsız hala düşmüş qaz, su və işıq xətlərinin bərpasına başlanıb.
APA-nın Qarabağ bürosunun xəbərinə görə, rayonun Əskipara kənd sakini İsmayıl Qasımovun həyətyanı torpaq sahəsinə 2 ədəd top mərmisi düşüb. İ. Qasımov bildirib ki, mərmi qəlpələri evin bütün qapı-pəncərəsini, qaz, işıq xətlərini yararsız hala salıb.
Tərtər rayon İcra Hakimiyyətinin baş memarı Tofiq Kərimovun sözlərinə görə, yararsız hala düşmüş bütün evlərə baxış keçirilib, qeydiyyatı aparılıb: “Əskipara, Seydimli, Şıxarx kəndlərində mərmi partlaması nəticəsində ziyan dəymiş bütün evlərə bərpa məqsədilə rayon Fövqəladə Hallar Komissiyası tərəfindən baxış keçirir, lazımi sənədlər hazırlanıb və adiyyatı üzrə təqdim olunacaq”.
Qeyd edək ki, aprelin 26-da erməni hərbi birləşmələrinin atəşkəsi ağır artilleriyadan pozması nəticəsində yaşayış evləri və əkin sahələrinə onlarla mərmi düşüb. Mərmilərdən biri isə Qarağacı kənd məzarlığında partlayıb. Nəticədə 23 məzara qəlpə dəyib.

banner

Oxşar Xəbərlər