AZƏRBAYCANDA KORONAVIRUSLA BAĞLI XƏBƏRLƏR

Erməni mediasında həyəcan

Erməni mediasında həyəcan

Təfsilat
16 İyul 2021, 18:30 490
"Türkiyə Xəzəri keçib, Mərkəzi Asiya regionundadır”
 
Rusiyanın xarici işlər naziri Sergey Lavrovun Amerika qoşununun Əfqanıstandan çıxarılmasının ABŞ-ın məğlubiyyəti kimi qələmə verməsi ən çox müzakirə olunan mövzudur. Nazir əlavə edib ki, Vaşinqton bu ölkədəki vəziyyəti sabitləşdirməyi bacarmayıb. Ermənistanın "1in.am” portalı dərhal Lavrovu hədəfə alan məqalə ilə çıxış edib. Məqalədə qeyd edilir ki,  Lavrovun bəyanatı gülüş doğurur: "Bununla yanaşı, Sergey Lavrov, yumşaq dildə desək, öz məğlubiyyətini etiraf etmək istəmir. Təbliğat zərurəti ABŞ-ın məğlubiyyəti haqqında danışmağı tələb edir. Halbuki, Mərkəzi Asiya istiqamətində növbəti məğlubiyyətlə üzləşib, eyni zamanda artıq qeydə aldığı başqa bir bəhrəni, yəni Qafqaz məğlubiyyətinin acı bəhrəsini biçir, rus ekspert dairələri isə bunu güclü qələbə kimi təqdim etməyə çalışır. 2001-ci il sentyabrın 14-də ilk dəfə Ermənistana rəsmi səfərə gəlmiş Rusiya prezidenti Putin Nyu-Yorkda baş vermiş böyük terrordan bir neçə gün sonra Ermənistan prezidenti Robert Koçaryanla Sevanda (Göyçə gölü) skuter sürəndə Amerika siyasi elitası Əfqanıstan istiqamətində strateji cəhətdən böyük və uzunmüddətli planlardan birini hazırlayırdı. Həmin vaxt Rusiyanın yeni prezidenti Putin elə bilirdi ki, SSRİ-dən sonra bu dəfə ABŞ Əfqanıstanda ilişib qalacaq. Və Putin, bəlkə də, bu prosesi izləməklə kifayətlənməyə hazırlaşırdı.
 
Lakin reallıq bir az fərqli alındı və indi Rusiya əhəmiyyətli dərəcədə ilişib qalma riski qarşısındadır, bunu ört-basdır etmək üçün ABŞ-ın məğlubiyyəti "tezis”ini irəli sürür. Halbuki, Amerikanın uğursuzluğuna inanan Kreml SSRİ-nin təsirini bərpa etməyə hazırlaşırdı”. Məqalədə Qazaxıstanda Türküstan şəhərinin salınmasının da Ermənistanda narahatlıq yaratdığı etiraf edilir: "Putinin "fikir düzəltməsi” sadəcə ona gətirib çıxardı ki, Rusiya SSRİ-ni bərpa etmir. Erməni itaətkarlığını təmin etmək vasitəsi bu işə xidmət edir. Bu gün artıq Türkiyə Xəzəri keçib və Mərkəzi Asiya regionundadır, ABŞ 20 il əvvəl burada bərqərar olduqdan sonra hazırda geri çəkilir və təbii olaraq Çini əsas hədəf seçərək bu böyük regionda da Rusiyaya təzyiq göstərmək rolunu Türkiyəyə tapşırır. Bütün məsələ odur ki, Birləşmiş Ştatlar Türkiyə-Çin əməkdaşlığına və razılaşmalarına qarşı olmaya bilər. Nəzərə almaq lazımdır ki, Ankara bilir ki, Çin, sadəcə olaraq Türkiyə ilə bağlı hər şeyi "yeyəcək” və yalnız Qərbin Türkiyənin arxasında olduğunu bildiyi halda razılaşmaya gedəcək.
 
Başqa cür desək, Türkiyə Mərkəzi Asiya regionunda xüsusi bir "Amerika-Çin platforması”na çevrilə, Rusiyanı oyundan kənarda qoya bilər. KTMT və Aİİ-in üzvü olan Qazaxıstanda Türküstan adlı yeni şəhər inşa edilir, bu şəhər artıq türk dünyasının mərkəzi elan olunub. Bu vəziyyətdə Lavrov ABŞ-ın məğlubiyyətindən danışır və bütün bunlar, təbii olaraq Ermənistan üçün də narahatlıq yaradır. Bunu etiraf etməmək  gülməli olardı. İndi Lavrova lağ etmək vaxtı deyil. Ermənistan ən qısa müddətdə Çin və ABŞ ilə əhəmiyyətli siyasi təmaslar və gündəm qurmalıdır, çünki yaxın gələcəkdə Rusiya öz məğlubiyyətlərində günahlandıracaq birini tapmağa çalışacaq. Qafqazda bu, Ermənistan idi. Rus elitasının Orta Asiya regionunda "zəif halqa” tapmayaraq günahkar qismində yenə Ermənistan üzərində dayanmaq qərarına gəldiyini istisna etmək olmaz”.
 
Nuriyev A.