Enerji effektivliyi fondu yaradılır

Enerji resurslarından səmərəli istifadə və enerji effektivliyi üzrə tədbirlərin stimullaşdırılması və təşviqi məqsədilə müvafiq icra hakimiyyəti orqanının müəyyən etdiyi orqan (qurum) enerji effektivliyi fondu yaradır.
Kaspi.az-ın məlumatına görə, bu barədə Prezident İlham Əliyevin tədiqlədiyi "Enerji resurslarından səmərəli istifadə və enerji effektivliyi haqqında” qanunda əks olunub.
Qanuna əsasən. enerji effektivliyi fondu aşağıdakı mənbələr hesabına maliyyələşir:
enerji resurslarının tarif və qiymətlərində fonda ayrılması nəzərdə tutulan vəsait (enerji resurslarının satışından əldə olunan vəsait);
kreditlər və qrantlar;
hüquqi və fiziki şəxslərin könüllü ianələri;
beynəlxalq təşkilatların və digər donorların ayırmaları;
fondun vəsaitinin idarə olunmasından əldə olunan gəlirlər;
qanunla qadağan olunmayan digər mənbələr.
Enerji effektivliyi fondunun vəsaiti bu Qanunun 15.2-ci maddəsində nəzərdə tutulan tədbirlərin maliyyələşdirilməsi üçün istifadə olunur.
Enerji effektivliyi fondunun vəsaitlərinin formalaşdırılması və istifadə qaydasını müvafiq icra hakimiyyəti orqanının müəyyən etdiyi orqan (qurum) müəyyən edir.