• cümə axşamı, 28 mart, 13:42
  • Baku Bakı 16°C

Əfqanıstanda “Taliban”ın 900 üzvü həbsdən azad edilib

26.05.20 12:37 479
Əfqanıstanda “Taliban”ın 900 üzvü həbsdən azad edilib
Əfqanıstan hökuməti "Taliban” hərəkatının 900 üzvünün həbsdən azad edilməsi ilə bağlı qərar verib.
APA-nın TASS-a istinadən verdiyi xəbərə görə, bu barədə Əfqanıstan Milli Təhlükəsizlik Şurasının nümayəndəsi Cavad Feysal məlumat verib.
C. Feysəl ölkədə atəşkəs rejimini davam etdirmək və danışıqlara başlamaq üçün "Taliban” üzvlərini azad etdiklərini deyib.
Qeyd edək ki, mayın 11-də Əfqanıstan hakimiyyəti "Taliban” döyüşçülərinin həbsxanalardan azad edilməsi prosesinin müvəqqəti olaraq dayandırıldığını bəyan edib. Buna səbəb "Taliban” üzvləri tərəfindən əsir götürülmüş əfqan hərbçilərinin verilməsinin təxirə salınması olub. Həmin vaxt Milli Təhlükəsizlik Şurasının nümayəndəsinin verdiyi açıqlamaya görə, hakimiyyət həbsxanadan minlərlə "Taliban” üzvünü azad etdiyi halda, "Taliban” hərəkatı əsir götürdüyü hərbi qulluqçudan cəmi 105-ə yaxınını təhvil verib.
Xatırladaq ki, fevralın 29-da ABŞ və "Taliban” arasında sülh sazişi imzalanıb. Bu saziş əsasında Əfqanıstandakı qüvvələr arasındakı danışıqlar hələ martın 10-dan başlamalı idi. Qarşılıqlı etimad yaratmaq məqsədi ilə həbsxanada olan 5 minə yaxın "Taliban” üzvü, min nəfərə yaxın isə "Taliban” tərəfindən əsir götürülmüş şəxslər azad edilməli idilər.
banner

Oxşar Xəbərlər