Dibala Alleqrini söyüb?
"Yuventus”un futbolçusu Paulo Dibalanın komandanın baş məşqçisi
Massimiliano Alleqrini təhqir etdiyi bildirilir.
Kaspi.az xəbər verir ki, hadisə "Udineze” ilə səfər oyununda (6:2)
baş verib. İtaliya mətbuatının iddiasına görə, Dibala əvəzlənməsindən narazı
qalıb.
Alleqri onu qarşılaşmanın 67-ci dəqiqəsində əvəzləyib. Ehtiyat
oyunçular skamyasında oturan Dibala baş məşqçini söyüb. Alleqri onun söyüşünü
birbaşa eşitməyib, yalnız mətbuatda yazılanlardan sonra xəbər tutub.