şənbə, 21 May, 12:51

Baku Bakı 20°C

Daxili turizm bütün dünyada olduğu kimi, Azərbaycanda da prioritet istiqamət olacaq

icon 142 icon 05 yanvar 2022 | 17:15 Daxili turizm bütün dünyada olduğu kimi, Azərbaycanda da prioritet istiqamət olacaq

Hazırda qarşıda duran əsas məqsədlərdən biri Azərbaycanın turizm potensialından ən səmərəli yollarla istifadə edilməsidir. Cari ilin əvvəlindən Nazirlər Kabinetinin şəhərlərarası və rayonlararası hərəkətin bərpa olunması ilə bağlı qərarından sonra daxili turizm xidmətlərindən istifadə bir qədər çoxalıb.
AZƏRTACxəbər verir ki, bu fikirlər Azərbaycan Dövlət Turizm Agentliyinin sədri Fuad Nağıyevin "Milli Məclis” analitik informasiya jurnalına verdiyi müsahibədə yer alıb.
Postpandemiya dövründə daxili turizmin bütün dünyada olduğu kimi, Azərbaycanda da prioritet istiqamət olacağı və bölgələrimizin turizmin inkişafı baxımından inkişafı üçün daha çox əhəmiyyət kəsb edəcəyini söyləyən Fuad Nağıyev deyib: "Pandemiya ölkəmizə ayaq açan vaxtlarda tərəfimizdən daxili turizmi təbliğ etmək, yerli əhalini ölkənin turizm imkanlarından yararlanmağa təşviq etmək üçün bu sahədə inkişafa və vətəndaşların fəallaşmasına hədəflənən "Macəra yaxındadır” kampaniyasına start verildi. Son dövrlər dünyada aqroturizm və kənd turizmi daha çox əhəmiyyət kəsb etməyə başlayıb. Bu turizm növləri turistlərin regionlara cəlb edilməsi ilə məş¬ğulluğun artması, vətəndaşların rifah halının yaxşılaşdırılması, kənd əhalisinin gəlirlərində davamlılığa nail olmaq, kəndlərdən miqrasiyanın azaldılması, mədəni irsin və yerli qastronomiyanın təbliği üçün mühüm amillərdəndir. Ölkəmizdə, xüsusən bölgələrimizdə bu sahənin inkişafı turizmin mövsümiliyinin aradan qaldırılmasına və dayanıqlılığa nail olunmasına şərait yaradacaq”.
Agentlik rəhbərinin sözlərinə görə, Azərbaycanda koronavirus (COVID-19) pandemiyasına görə daxili turizmdən istifadə azalıb və 2020-ci ildə 3 milyona yaxın daxili turizm səfəri təxirə salınıb.