AZE | RUS | ENG |

BMT-nin İqtisadi və Sosial Şurasının Forumu başa çatıb

BMT-nin İqtisadi və Sosial Şurasının Forumu başa çatıb
BMT-nin İqtisadi və Sosial Şurasının (ECOSOC) Nyu-Yorkda keçirilən Yüksəksəviyyəli Forumu başa çatıb. AZƏRTAC təşkilatın saytına istinadla xəbər verir ki, ECOSOC-un prezidenti xanım İnqa Kinq tədbirin 2030-cu ilədək dayanıqlı inkişaf Hədəflərinə töhfə verdiyini bildirib. O əlavə edib ki, hüquqların genişləndirilməsi, şəffaflıq və bərabərlik istiqamətində görülən işlər nikbinlik üçün əsas verir.
ECOSOC-un prezidenti bildirib ki, dünyanın bir çox ölkələrində insanların sosial-iqtisadi problemlərin həllinə cəlb edilməsi işsizliyin və yoxsulluğun səviyyəsinin azalmasında mühüm rol oynayır. Onun sözlərinə görə, hökumətlər iqlim dəyişməsi fonunda ətraf mühitin qorunması və biomüxtəlifliyin təmin edilməsi sahələrində daha ciddi addımlar atmalıdır. İ.Kinq qeyd edib ki, urbanizasiya prosesinə nəzarət olunması, yeni texnologiyaların tətbiqi əsrində insanların iş yerlərini itirməməsi dünyada sabitliyin bərqərar olmasının əsas amilləridir. Şuranın prezidenti vurğulayıb ki, ən vacib məsələlərdən biri də təhsilin hamı üçün əlçatan olmasıdır. "Hökumətlər inşaların ehtiyaclarına daha həssas yanaşmalı, xüsusən inkişaf etməkdə olan və əhalinin gəlirlərinin az olduğu ölkələrdə sosial bərabərliyin maksimum təmin edilməsinə şərait yaratmalıdır”, deyə o vurğulayıb.
Forumda qeyd edilib ki, 2030-cu ilədək dünyada 1,8 milyard insan - əhalinin yaşlı hissəsinin üçdəbiri uzunmüddətli işsizlik problemi ilə üzləşə bilər. Bu səbəbdən elmin və texnologiyaların sürətli inkişafından cəmiyyətin rifahı üçün istifadə edilməli, texnoloji tərəqqi qeyri-bərbərliyin artmasına gətirib çıxarmamalıdır.




Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8859
GEL 1 1 Gürcüstan larisi 0.5804
GBP 1 1 İngiltərə funt sterlinqi 2.066
IRR 100 100 İran rialı 0.004
SEK 1 1 İsveç kronu 0.1755
CHF 1 1 İsveçrə frankı 1.736
KWD 1 1 Küveyt dinarı 5.5894
TRY 1 1 Türkiyə lirəsi 0.2965