AZƏRBAYCANDA KORONAVIRUSLA BAĞLI XƏBƏRLƏR

Bir neçə rayon xəstəxanasında qidalanmanın təşkili kobud şəkildə pozulub

Bir neçə rayon xəstəxanasında qidalanmanın təşkili kobud şəkildə pozulub

Kriminal
08 İyun 2021, 16:15 181
Azərbaycan Respublikasının Qida Təhlükəsizliyi Agentliyi tərəfindən "Tibbi Ərazi Bölmələrinin İdarəetmə Birliyi” (TƏBİB) publik hüquqi şəxsin tabeliyində fəaliyyət göstərən Saatlı, Hacıqabul, Göygöl, Samux, Biləsuvar və Lənkəran rayon xəstəxanalarında qida təhlükəsizliyi sahəsində texniki normativ-hüquqi aktların və xəstələrin qidalanmasının təşkili sahəsində tələblərin kobud şəkildə pozulması faktları aşkar olunduğundan toplanmış materiallar Baş Prokurorluğa təqdim edilib.
Baş Prokurorluğun Mətbuat xidməti tərəfindən Kaspi.z-a bildirilib ki, həmin materiallar ərazi aidiyyəti üzrə müvafiq rayon Prokurorluqlarına göndərilib: "Araşdırmanın tam, hərtərəfli və obyektiv aparılması təmin edilməklə nəticəsi barədə ictimaiyyətə əlavə məlumat veriləcəkdir".