Bakı 24°C
Bilik Fondu Binəqədi sakinlərini Nizami Cəfərovla görüşdürüb
Azərbaycan Respublikasının Prezidenti yanında Bilik Fondunun təşkilatçılığı
ilə Binəqədi Rayon İcra Hakimiyyətinin inzibati binasında İcra Hakimiyyətinin ənənəvi
"Məlumat saatı”nda növbəti tədbir keçirilib.
Tədbirdə
Bilik Fondunun Lektorlar qrupunun üzvü, Milli Məclisin deputatı, akademik
Nizami Cəfərov "Müstəqil Azərbaycanın dövlət dili siyasəti: reallıqlar və
perspektivlər" mövzusunda mühazirə söyləyib.
Tədbiri
giriş sözü ilə açan Binəqədi Rayon İcra Hakimiyyəti başçısının müavini Aygün Əliyeva
Bilik Fondu ilə İcra Hakimiyyətinin həyata keçirdiyi birgə tədbirlər barəsində
danışıb, bu tədbirlərin faydalı olduğunu vurğulayıb.
Bilik
Fondunun aparat rəhbəri, professor İsaxan Vəliyev çıxışında təmsil etdiyi qurumun
maarifləndirmə istiqamətində həyata keçirdiyi layihələrdən söz açıb.
Akademik
Nizami Cəfərov Ulu öndər Heydər Əliyevin Azərbaycan dilinin saflaşdırılmasına
xidmət edən sərəncamlarını xatırladaraq, Prezident İlham Əliyevin bu xətti
uğurla davam etdirdiyini bildirib. Akademik son dövrlər Azərbaycan dilinin orfoqrafiya
və orfoepiya bölmələri üzərində dəyişikliklər aparılması ilə bağlı dilçi alimlərin
müzakirələrinə toxunub. N.Cəfərov bildirib ki, dilin saflığının qorunması təkcə alimlərin deyil, hər
bir azərbaycanlının borcudur.
Tədbirdə
iştirak edən İcra Hakimiyyəti başçısı Aparatının əməkdaşları, bələdiyyələrin
ictimai-siyasi və humanitar sektor rəhbərləri, icra hakimiyyəti başçısının
İnzibati Ərazi Dairələri üzrə nümayəndələri, Yeni Azərbaycan Partiyası rayon təşkilatının
fəal gəncləri, rayon məktəbliləri akademikə suallar ünvanlayıb və ətraflı cavablar
alıblar.
