Başında dəbliqə, çiynində avtomat
"Tottenhem”in futbolçusu
Son Hın Min Cənubi Koreya ordusunda xidmət keçir.
Kaspi.az xəbər verir ki,
futbolçunun hərbi formada olan şəkli mətbuatda yayılıb. Sonun başında dəbliqə,
çiyinində avtomat var.
27 yaşlı futbolçu Ceju
adasında dəniz piyadalarının təlim-məşq bazasında xidmət keçir. Təlim zamanı o, gözyaşardıcı
qaza məruz qalacaq, uzun məsafələr qət edəcək və silahla davranmağı öyrənəcək.
Cənubi Koreya qanunlarına
görə, 28 yaşa qədər hər kəs 21 ay hərbi xidmət keçməlidir. Amma Son 2018-ci ildə
Cənubi Koreya yığmasının heyətində Asiya çempionu olduğu üçün hərbi xidmətdən azaddır.
O, bir ay müddətində təlimlərdə iştirak edəcək.