Bakıda piyadanı avtomobil vurub
Bakının Suraxanı rayonunda yol-nəqliyyat hadisəsi zamanı bir nəfər xəsarət alıb.
APAxəbər verir ki, hadisə Hövsan qəsəbəsində baş verib.
Belə ki, 1993-cü il təvəllüdlü Əliyev Sahibəli Teyyub oğlu yolu keçərkən onu minik avtomobili vurub. Yaralı ağır vəziyyətdə xəstəxanaya yerləşdirilib. Həkimlər ona qapalı kəllə-beyin travması və baş beyin silkələnməsi diaqnozu qoyub.