AZƏRBAYCANDA KORONAVIRUSLA BAĞLI XƏBƏRLƏR

Bakı metrosunda sərnişindaşıma fəaliyyətində dəyişikliklər ediləcək

Bakı metrosunda sərnişindaşıma fəaliyyətində dəyişikliklər ediləcək

Cəmiyyət
13 Sentyabr 2021, 15:16 73

Sentyabr ayının 20-dən Bakı metropoliteninin sərnişindaşıma fəaliyyətində bir sıra dəyişikliklər ediləcək.

Oxu.Az xəbər verir ki, bu barədə jurnalistlərə açıqlamasında "Bakı Metropoliteni” QSC-nin mətbuat katibi Bəxtiyar Məmmədov deyib. 

O bildirib ki, yay mövsümünün başa çatması ilə əlaqədardır:

"Pik vaxtlarda qatarlar arasında "Həzi Aslanov - 28 May” sahəsində interval texniki cəhətdən mümkün həddə - 2 dəqiqəyə qədər azaldılacaq. Yaşıl və Qırmızı xətlər "28 May” stansiyasında kəsişdiyindən, pik vaxtlarda qatarların intervalı "İçərişəhər” və "Dərnəgül” stansiyaları və əks istiqamətdə 4 dəqiqəyə qədər endiriləcək. 

Onu da əlavə edək ki, Bakı metropolitenində, ənənə üzrə, pik hərəkət səhər saat 07:30-dan 09:30-a, axşam isə 17:30-dan 19:30-a qədər davam edir”.

O qeyd edib ki, zərurət yarandıqda ehtiyat qatarlar xəttə buraxılacaq.