AZƏRBAYCANDA KORONAVIRUSLA BAĞLI XƏBƏRLƏR

Azərbaycanda koronavirusdan sağalma və ölüm faizi açıqlanıb

Azərbaycanda koronavirusdan sağalma və ölüm faizi açıqlanıb

Cəmiyyət
07 May 2021, 13:07 405
Azərbaycanda koronavirusdan sağalma faizi 92.3, ölüm faktı isə 1.4 faiz təşkil edir.
 
Trend-in məlumatına görə, bunu Azərbaycan Tibb Universitetinin Yoluxucu xəstəliklər kafedrasının müdiri, dosent Cəlal İsayev deyib.
 
O bildirib ki, hazırda ölkədə aşkar olunan koronaviruslu xəstələrin sayı 300 mini keçib: "Dünya miqyasında götürəndə ölüm göstəricisi bizdə azdır. Amma buna arxayın olmamalı, qabaqlayıcı tədbirlərimizi davam etdirməliyik. Kimsə özündə virusun cüzi əlamətini hiss edərsə, mütləq müayinə olunmalı, xəstəlik aşkar olunarsa, cəmiyyətdən təcrid olunmalıdır. Ölkədə 3 aydır vaksinasiyaya başlamışıq, amma hələ əhalinin 3.78 faizi vaksinasiya olunub, yəni hər iki vaksin kursunu keçib. Doğurudur, dünya miqyasında bu, az rəqəm deyil. Amma bizi qane etmir. Çıxış yolumuz əhalinin vaksinasiya olunmasıdır”.