AZƏRBAYCANDA KORONAVIRUSLA BAĞLI XƏBƏRLƏR

Azərbaycan yığmasının Avropa çempionatındakı oyunlarının təqvimi açıqlanıb

Azərbaycan yığmasının Avropa çempionatındakı oyunlarının təqvimi açıqlanıb

İdman
18 Oktyabr 2021, 22:19 146
Futzal üzrə Azərbaycanın millisinin Niderlandda təşkil olunacaq Avropa çempionatının final mərhələsindəki qrup oyunlarının təqvimi açıqlanıb.
Azərbaycan Futzal Federasiyasından Kaspi.az-a verilən məlumata görə, Joze Alesio Da Silvanın baş məşqçi olduğu kollektiv D qrupunda ilk matçını 2022-ci il yanvarın 22-də Gürcüstan yığmasına qarşı keçirəcək.
Yanvarın 26-dakı qarşılaşmada rəqib İspaniya seçməsi olacaq. Milli komanda qrupdakı son oyununda isə Bosniya və Herseqovina ilə üz-üzə gələcək. Bu görüş yanvarın 29-na təsadüf edəcək. Azərbaycan yığması ilk 2 matçını Qroningen, sonuncu matçını isə Amsterdam şəhərində keçirəcək.
Avropa çempionatı, final mərhələsi
D qrupu
22 yanvar
Gürcüstan – Azərbaycan
İspaniya – Bosniya və Herseqovina
26 yanvar
İspaniya – Azərbaycan
Bosniya və Herseqovina – Gürcüstan
29 yanvar
Azərbaycan - Bosniya və Herseqovina
Gürcüstan - İspaniya
Qeyd edək ki, 19 yanvar - 6 fevralda gerçəkləşəcək Avropa çempionatı ilk dəfə 16 komandanın iştirakı ilə baş tutacaq.