Bakı 23°C
Azər Həsrət ABŞ Konqresmenlərinə maddə-maddə izah yazdı
Azərbaycanın Əməkdar jurnalisti, ictimai-siyasi fəal Azər Həsrət ABŞ Konqresinin Kaliforniyadan olan üç nümayəndəsinin Azərbaycana qarşı qərəzli təşəbbüsünə açıq məktubla cavab verib.
Xəbər verildiyi kimi, ABŞ Konqresinin ermənilərin sıx yaşadığı Kaliforniyadan olan üzvləri Toni Kardenas (Tony Cárdenas), Adam Şiff (Adam Schiff) və Brəd Şerman (Brad Sherman) Nümayəndələr Palatasında müzakirə edilən Milli Müdafiə Səlahiyyətləndirmə Qanununa (National Defense Authorization Act) Azərbaycanla bağlı əsassız əlavələr təklif edib.
Bu əlavələrə görə, guya Azərbaycan Ermənistana təcavüz edib. Eyni zamanda Türkiyə və Azərbaycan dövləti 2020-ci ilin 44 günlük savaşında xarici muzdlulardan yararlanıb. Həm də iddia olunur ki, Azərbaycan qadağan olunmuş silah və sursatlardan istifadəyə yol verib. Daha bir əsassız iddia isə Azərbaycanın hələ də hərbi əsirləri saxlamasıyla bağlıdır. Üstəlik iddia edilir ki, Azərbaycan bu savaşda minlərlə mülki Ermənistan vətəndaşını öldürüb.
Ümumilikdə anti-Azərbaycan məqsədi daşıyan əlavələri adı keçən 3 nəfərlə bərabər daha 13 konqresmen də dəstəkləyib. Onların da 7-si Kaliforniya Ştatını təmsil edir. Beləliklə ümumilikdə 16 konqresmen Azərbaycana qarşı əlavələri dəstəkləyib ki, onlardan 10-u məhz ermənilərin təsir imkanları geniş olan Kaliforniyadandır. Digərləri isə ənənəvi erməni dəstəkçiləridir ki, aralarında məşhur Frenk Pallone də var.
Qeyd edək ki, məsələ Azərbaycanda ciddi təpkiyə səbəb olub. İctimai-siyasi fəallar, ictimai rəylə işləyən şəxslər artıq neçə gündür ki, bu məsələylə bağlı fikirlərini milli mediada tirajlayır. Lakin təəssüflər olsun ki, ABŞ konqresmenlərilə birbaşa iş qurub təpki verənlər hələ ki, gözə dəymir. Məhz bu durumu nəzərə alaraq Azər Həsrət konqresmenlərə açıq məktubla müraciət edib.
A.Həsrət bildirib ki, məktubun mətniniöz şəxsi saytında (http://www.azerhasret.com/?p=6926) vəABŞ-dan yayımlanan bir mediada (https://www.turkishnews.com/tr/content/2021/09/25/an-open-letter-to-the-congressmen-tony-cardenas-adam-schiff-and-brad-sherman/) dərc etsə də adı keçən şəxslərə yalnız həftənin ilk iş günü göndərməyi düşünür. Çünki həftə sonu belə bir məktub göndərməyin effektiv olmayacağı az-çox siyasi təcrübəsi olan hər kəsə bəllidir.
Bu arada onu da əlavə edək ki, məktubun ABŞ saytı üzərindən paylaşılmasını Facebook dərhal yasaqlayıb…
