bazar ertəsi, 30 yanvar, 08:37

Baku Bakı 6°C

Avtobusda cibgirlik edən şəxslər saxlanılıb 

icon 540 icon 26 noyabr 2022 | 12:15 Avtobusda cibgirlik edən şəxslər saxlanılıb 

İctimai nəqliyyatda cibgirliklə məşğul olan şəxslər polis əməkdaşları tərəfindən saxlanılıb.

Bu barədə Kaspi.az-a Daxili İşlər Nazirliyindən məlumat verilib.

Belə ki, paytaxtın Binəqədi rayonu ərazisində marşrut avtobuslarında iki nəfərin içərisində pul, bank kartları və sənəd olan cüzdanlarının qeyri-aşkar şəraitdə oğurlanması, sonradan onlardan birinin bank kartı ilə 290 manat dəyərində alış-veriş olunması barədə polisə məlumatlar daxil olub.

Bakı Şəhər Baş Polis İdarəsinin Cinayət Axtarışı İdarəsi əməkdaşlarının keçirdikləri əməliyyat tədbirləri nəticəsində oğurluq əməllərini törətməkdə şübhəli bilinən Bakı şəhər sakinləri Rüfət Əliyev və Rəşid Ağayev müəyyən olunaraq saxlanılıblar.

Faktla bağlı araşdırma aparılır.