Avropadakı ən yaxşı braziliyalı
"Liverpul”un
qapıçısı Alison Bekker "Samba Gold” mükafatına layiq görülüb.
Kaspi.az xəbər
verir ki, bu mükafat Avropada çıxış edən ən yaxşı braziliyalı futbolçuya
verilir. Mükafat "Sambafoot” portalı tərəfindən təsis edilib və hər il təqdim
olunur.
27 yaşlı qapıçı
mükafatını "Liverpul”un təlim-məşq bazasında alıb. O, səslərin 35,54 faizini
toplayıb. İkinci yerdə 23,48 faiz səslə onun komanda yoldaşı Firmino qərarlaşıb.
PSJ-nin müdafiəçisi Tyaqo Silva 10,46 faiz səslə üçüncü olub.