Anonim zəng edilib - Onu meydana buraxma
Belçika yığmasının baş məşqçisi Roberto Martines komandanın hücumçusu
Lukaku ilə bağlı maraqlı açıqlama verib.
Kaspi.az xəbər verir ki, Martines DÇ-2018-in seçmə mərhələsində
Kiprlə keçiriləcək oyundan əvvəl ona anonim zəng edildiyini bildirib. Zəng edən
şəxs məşqçidən tələb edib ki, Kiprlə oyunda Lukakunu meydana buraxmasın.
Lukaku zədə səbəbindən Bosniya və Herseqovina ilə oyunda meydana
çıxmamışdı. Onun zədəsi yüngül olduğundan futbolçu komanda ilə birgə məşqlərə
başlayıb.
DÇ-yə vəsiqəni təmin edən Belçika Kiprlə bu gün qarşılaşacaq.