• cümə axşamı, 28 mart, 20:41
  • Baku Bakı 13°C

Amerikalı ekspert: "Ermənistan-Azərbaycan Sülh Platforması" Ermənistan hökumətinə ciddi zərbədir

17.12.16 20:23 842
Amerikalı ekspert: "Ermənistan-Azərbaycan Sülh Platforması" Ermənistan hökumətinə ciddi zərbədir
"Ermənistan-Azərbaycan Sülh Platforması” Dağlıq Qarabağ münaqişəsində aşıq-aşkar status-kvonun saxlanmasını istəyən Ermənistan hökumətinin korrupsiyalaşmasına və aqressiv mövqeyinə ciddi zərbədir.
Bunu Trend-ə siyasi analitik, Markett Universitetinin (ABŞ) beynəlxalq münasibətlər üzrə eksperti Piter Teys deyib.
O qeyd edib ki, "Ermənistan-Azərbaycan Sülh Platforması” Dağlıq Qarabağ münaqişəsinin həlli prosesinə vətəndaş cəmiyyətini və dini liderləri cəlb etməklə, erməni siyasi elitasına münaqişə "pərdə"si altında çoxsaylı korrupsiya qalmaqallarını gizlətmələrinə mane olacaq.
Ekspert həmçinin bildirib ki, münaqişə Ermənistan iqtisadiyyatına baha başa gəlir, ölkənin demoqrafik vəziyyətinə neqativ təsir edir və bunun nəticəsi olaraq da gənclər oranı tərk edirlər.
P.Teysin sözlərinə görə, yaradılmış bu platforma xalqlar arasında sülh dialoqunun möhkəmləndirilməsinə yönəlib.
Eskpert deyib ki, ATƏT Platformanın yaradılmasına heç bir reaksiya verməyib:
"Ermənistan-Azərbaycan Sülh Platforması"nın ictimai diplomatiyası və intensiv dialoqu ATƏT-in fəaliyyətindən daha effektlidir".
banner

Oxşar Xəbərlər