AZE | RUS | ENG |

Alman-Azərbaycan Radioloji və Neyroradioloji Simpoziumu keçiriləcək

Alman-Azərbaycan Radioloji və Neyroradioloji Simpoziumu keçiriləcək
15-16 mart 2019-cu il tarixlərində Bakı şəhərində 3-cü Alman-Azərbaycan Radioloji və Neyroradioloji Simpoziumu keçiriləcək. Simpozium inkişaf etməkdə olan Azərbaycan səhiyyəsinə öz töhfəsini göstərməklə yanaşı tibbimizin və xüsusi ilə də milli radiologiya sahəmizin dünya tibb elmində yaxın gələcəkdə daha da inkişafı üçün Milli Onkologiya Mərkəzinin xüsusi dəstəyi ilə keçirilir. Budəfəki tədbirdə xüsusi ilə onkoloji xəstəliklərin müasir diaqnostikasından və ən son müalicə metodlarından danışılacaqdır.
 
Tədbirdə Almaniya modeli misalında müasir serebrovaskulyar mərkəzin təşkili və Almaniyadan dəvət olunan qonaqların, Prof. Dr. med. Anastasios Mpotsaris, Dr. med. Nuran Abdullyev, Priv.-Doz. Dr. med. Volker Maus, Dr. med. Babak Rostamzadeh və Priv. -Doz. Dr. med. Christof M. Sommer, bu sahədə etdiyi ən son elmi yeniliklərdən söhbət açılacaqdır. Tədbirdə iştirak edən yerli mütəxəssislər də, Anar Kazımov, PhD, Fuad Novruzov, PhD və Rasim Babayev, PhD, müxtəlif onkoloji xəstəliklərin diaqnostikasında və müalicəsində ən son elmi və praktiki bilikləri iştirakçılarla paylaşacaqlar. Simpozium çərçivəsində Azərbaycanda ilk dəfə olaraq beyin damarlarının anevrizmasının müalicəsində tətbiq edilən ən müasir metodlar praktiki təlim şəklində („workshop") Zəfəran klinikasında iştirakçılara təqdim ediləcək.
 
Simpozium çərçivəsində qürurverici daha bir ilk Almaniyada qurulmuş və prezidenti həmyerlimiz tibb elmləri doktoru Nuran Abdullayev olan Alman-Azərbaycan Radioloji və Neyroradiolji Cəmiyyətinin üzvlərinin və qurucularının ilk toplantısının Bakıda keçirilməsidir.
 
Xatırladaq ki, Simpoziumun prezidenti Azərbaycan Respublikasının Milli Onkologiya Mərkəzinin baş direktoru Akademik, Prof. Cəmil Əziz oğlu Əliyev və Prof. Dr. med. Anastasios Mpotsaris-dir. 
 
Tədbir mart ayının 15-i saat 09:00-da Fəxri Xiyabanda Azərbaycanın Ümummilli Lideri Heydər Əliyevin məzarının və Şəhidlər xiyabanının ziyarəti ilə başlayacaq, daha sonra isə Milli Onkologiya Mərkəzində davam edəcəkdir.

Qeydiyyat üçün: http://www.ga-symposium.com/
 



 



Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9008
GEL 1 1 Gürcüstan larisi 0.6128
GBP 1 1 İngiltərə funt sterlinqi 2.1523
IRR 100 100 İran rialı 0.004
SEK 1 1 İsveç kronu 0.1767
CHF 1 1 İsveçrə frankı 1.6933
KWD 1 1 Küveyt dinarı 5.5837
TRY 1 1 Türkiyə lirəsi 0.2779