4 milyonluq xəyal
Nəyin bahasına olursa-olsun ermənilərin sayını artırmaq. Bu tezis
dünya ermənilərinin Yerevanda keçirdikləri diaspor toplantısında əsas xətt kimi
keçib.
Ermənistanın ən ciddi problemləri sırasında lider mövqeyə malik olan
demoqrafiyanın doğurduğu səbəblər aydındır - işsizlik və sosial problemlər.
Demoqrafiya, mühacirət erməni rəhbərliyini təxirəsalınmaz addımlar atmağa
məcbur etsə də, problem ciddiliyini qoruyub saxlayır. Yeri gəlmişkən, problem
dünya ermənilərinin Yerevanda keçirdikləri toplantıda əsas müzakirə mövzusu
olub. VI Ümumerməni Ermənistan-Diaspor konfransında çıxış edən Serj Sarkisyan
"4 milyonluq Ermənistan” proqramını irəli sürüb. Lakin əksəriyyət dərhal da bu
proqramın reallaşa bilməyəcəyini bəyan edib. "Bizim hədəfimiz 2040-cı ilə qədər
Ermənistanda minimum 4 milyon erməninin yaşamasını təmin etməkdir. "Bundan çıxış
edərək deyə bilərik ki, 25 il ərzində Ermənistanda miqrasiya ilə bağlı ciddi göstəricilər
əldə etməyi planlaşdırırıq”, - deyə erməni rəhbər vurğulayıb. Onun sözlərinə
görə, Ermənistanda demoqrafik tendensiyalar həddən artıq həyəcan doğurur: "Buna
görə də immiqrasiyanın artırılması üçün səyləri birləşdirmək lazımdır”.
Sarkisyanın "4 milyonluq Ermənistan” proqramı elə forumda iştirak
edən ermənilərin özləri tərəfindən də mümkünsüz hesab edilib. Onlar proqramın
həddən artıq ambioz olduğunu vurğulayıblar. Və gəldikləri qənaət budur ki, belə
layihələri irəli sürməmişdən əvvəl, sosial-iqtisadi vəziyyəti necə
yaxşılaşdırmaq barədə düşünmək gərəkdir. Belə bir perspektiv isə heç üfüqdə də
görünmür.
Beləliklə, "Serjik”in ardınca çıxış edən Böyük Kilikiya Evinin
katolikosuBirinci Arambildirib ki, Ermənistanın bütöv olması üçün
miqrasiyanın tempini azaltmaq gərəkdir. "Əgər insanların həyat səviyyəsi yaxşı
olmasa, miqrasiya əvvəlki templə davam edəcək. Yoxsulluq isə sosial və mənəvi
aşınmanın mənbəyinə çevriləcək”, - deyə katalikos vurğulayıb. "Gəlin realist və
səmimi olaq. Ermənistan boşalır, diaspor isə tükənir. Bu təhlükəli reallıq
qarşısında təsadüfi təşəbbüslər problemlərimizi həll edə və yaralarımızı
sağalda bilməz. Ermənistan – diaspor əməkdaşlığını təsadüfi iqtisadi
investisiyalar və turist ziyarətləri çərçivəsindən çıxararaq, milli siyasətimizin
mühüm əsaslarından birinə çevirmək lazımdır”, - deyə Birinci Aram deyib.
"Bura 30 min Suriya ermənisi gəldi, onlardan neçəsi qaldı? Bu gün
Gümrüdə problemlər hələ də qalır. Zəlzələnin üstündən 25 il keçib... Bu gün evi
olmayan adamlar var. Qoy problemləri həll etsinlər, sonra iri layihələrdən
danışsınlar”. Bu sözləri isə Britaniyadakı "Qnçakyan” Sosial-Demokrat Partiyasının
sədriVazgen Kasemjiyanbildirib. "Reallıq belədir. Biz vicdanlı
olmalıyıq və bu gün inam, əməkdaşlıqdan danışmalıyıq. Hər dəfə burada eyni
sözləri eşidirik”, - deyə o əlavə edib. "Bu gün etimaddan, əməkdaşlıqdan
danışırıq. Bu etimad arzulanan, gözəgörünməz reallıqdan deyil, hiss olunan
reallıqdan gəlir”, - deyə o bildirib.
Los Anceles həmkarlar ittifaqlarının nümayəndəsiStepan Ovakimyan
isə "mən utopiyaya deyil, praktiki işə inanıram. Son 20 ildə hər hansı bir
irəliləyiş yoxdur”, - deyə qeyd edib. "Daşnaksutyun” partiyasının Kanadadakı
bürosunun üzvüAkop Ter-Xaçaturyan isə "Hamımız bilirik ki, ciddi
islahatlar və monopoliya ilə mübarizə aparmaq gərəkdir.
Onu da qeyd edək ki, Sarkisyanhəmçinin, diasporun investisiya
imkanlarının Ermənistana cəlbindən də danışıb. O, dünyanın 70 ölkəsindən gəlmiş
1400 konfrans iştirakçısını əmin edib ki, Ermənistanda biznes işlətmək və eyni
zamanda ölkəni qurmaq üçün hər cür şərait yaradılıb. "Mən prezidentin sözlərinə
inanmıram. Ermənistanın baş naziri Karen Karapetyan haqqında bir söz deyə
bilmərəm. O, yaxşı işlər görüb. Karen Karapetyan həqiqətən də Ermənistanın
lideri ola bilər, əlbəttə, əgər o, Moskvadan gəlməyibsə. Yoxsa əvvəlcə özünü
yaxşı insan kimi göstərib sonra deyəcək: əziz xalq, sizin üçün bu qədər yaxşı
işlər görmüşəm, indi son sözümə qulaq asın, gəlin Rusiyanın tərkibinə daxil
olaq, müstəqillik nəyimizə lazımdır. Əgər o, belə bir şey etsə, deməli, Serj
Sarkisiandan da betərdir”, - deyəVazgen Kasemjiyan bildirib. "Əmin olun
ki, bu gün diasporda çoxları Ermənistandakı vəziyyətdən, emiqrasiya,
iqtisadiyyatda irəliləyişin olmamasından narazıdırlar. Miqrasiya və
iqtisadiyyatda vəziyyət acınacaqlıdır”, - deyə o bildirib. "Ermənistan hələlik
diaspor ermənilərinin yaşaya biləcəyi yerə çevrilməyib. Hələ ki, burada qanun o
dərəcədə möhkəmlənməyib”, - deyə İsveçrədən gəlmiş iş adamıArten Şelefyanvurğulayıb.
Erməni diasporu anlayır ki, 2018-ci il Ermənistanın gələcəyi üçün
həlledici olacaq. Bu sırada əsas diqqət baş nazir postunda kimin olmasına yönəlib.
Bununla bağlı sualı cavablandıran diaspor nümayəndələri bildirir ki, onlar üçün
kimin bu postda olacağı vacib deyil. Əsas olan islahatların aparılmasıdır. Bunu
həyata keçirməyə iddialı şəxs isə yoxdur.
Öz növbəsində "Yelk” (Çıxış) bloku diaspor konfransına dəvət
almadığını bəyan edib. Bu barədə fraksiyanın rəhbəri Nikol Paşinyan bildirib.
Onun sözlərinə görə, bu və digər faktlar onu deməyə əsas verir ki, Serj
Sarkisyan diaspora forumunu özünün piar-aksiyasına çevirmək niyyətindədir.
Azər NURİYEV