125 milyona alıblar, 56 milyona sata bilmirlər
"Barselona”nın
futbolçusu Usman Dembele yaxşı mövsüm keçirmir.
Kaspi.az xəbər
verir ki, amma buna baxmayaraq, ona top-klublar maraq göstərir. Onların
arasında "Yuventus” və "Liverpul”da var.
"Liverpul”
futbolçunu icarəyə götürmək və daha sonra müqavilə hüququnu almaq şərtilə
Dembeleyə təklif göndərib. Ancaq futbolçu "Liverpul”a getməkdən imtina edib. O,
"Yuventus”da da oynamaq istəmir.
"Barsa” rəhbərliyi
isə hücumçunu satmaqda israrlıdır. Kataloniyalılar onu 56 milyon avroya satmağa
hazırdırlar. Baxmayaraq ki, 2017-ci ildə onun transferi üçün 125 milyon ödəyiblər.