Bakı 23°C
“Özünüməşğulluq proqramına 7-8 min ailənin cəlb edilməsi nəzərdə tutulur”
Azərbaycan
Respublikasının Prezidenti cənab İlham Əliyevin təşəbbüsü olan özünüməşğullluq
proqramının əhatə dairəsi 2018-ci ildə əvvəlki illə müqayisədə 6 dəfədən çox
genişləndirilib. Ötən il proqrama müraciət edənlərdən 7296 nəfər təlim
kurslarından keçərək biznes-planlarını müdafiə ediblər. Onlardan artıq 5500-nə
aktivlər təqdim olunub.
Bunu əmək və əhalinin
sosial müdafiəsi naziri Sahil Babayev dövlət televiziyasına müsahibəsində
bildirib.
Nazir aktivlərin
verilməsi prosesinin davam etdirildiyini, hər həftə təqribən yüzədək şəxsə
aktivlər verildiyini deyib. Proqrama cəlb olunanlar arasında həssas qruplardan
olanların üstünlük təşkil etdiyini bildirən S.Babayev qeyd edib ki, özünüməşğulluq proqramı ildə 7-8 min ailəni əhatə edir. Bu
da faktiki olaraq ildə 7-8 min mikro müəsissənin və təsərrüfatın yaradılması
deməkdir. 2019-cu ildə də özünüməşğulluq
proqramına 7-8 min ailənin cəlb
edilməsi nəzərdə tutulur.
S.Babayev il ərzində
aktivlərin verilməsi prosesinin ardıcıl şəkildə davam edəcəyini diqqətə
çatdırıb.
Nazir proqram çərçivəsində
ayrı-ayrı sənətkarlıq növləri üzrə kiçik təsərrüfatını quranların da olduğunu,
ötən il proqram iştirakçılarından 1000 nəfərə qədərini belə şəxslər təşkil
etdiyini deyib.
