Özünə qoyulmur, bu dəfə fotoaparatı sındırdı
"Breşia”nın
futbolçusu Mario Balotelli yenə də öz ampluasındadır.
Kaspi.az xəbər
verir ki, Mario növbəti dəfə insident törədib. "Cenoa” ilə qarşılaşmada (1:3)
heç nə ilə yadda qalmayan Balotelli oyunun 72-ci dəqiqəsində əvəzlənib.
Mario əvəzləndiyi
üçün əsəbiləşib və hirsini jurnalistin fotoaparatından çıxıb. O, meydanı tərk
edərkən fotoaparatı təpikləyib. Fotoaparatın sahibi məsələyə belə münasibət
bildirib:
"Balotelli əvəz
olunarkən kameranı sanki futbol topu kimi vurdu. Fotoaparata ciddi zədə dəyib və
işləmir. Bərk əsəbiləşmişəm. İnsanlara, onların çörək pulu qazandıqları alətlərə
hörmətlə yanaşmaq lazımdır”.