Bakı 23°C
“Zidanın ədalətsizlik etdiyini deyə bilmərəm, vicdanım təmizdir”
"Bavariya”nın yarımmüdafiəçisi Xames Rodriges "Real”da var qüvvəsi
ilə çalışmadığı barədə yayılan məlumata münasibət bildirib.
Kaspi.az xəbər verir ki, Xames bu iddiaların həqiqəti əks
etdirmədiyini deyib. O, Zidana qarşı münasibətindən də danışıb:
"Zidanla aramızda anlaşılmazlığın olduğunu iddia edə bilmərəm. Onun
mənə qarşı ədalətsizlik edib-etmədiyini də deyə bilmərəm. Hər bir məşqçinin
futbola öz baxışı var. O, mənim kumirim olub.
Mənim "Real”dan gedişim ağır və kədərli oldu. Bu klubda oynamaq mənim
ən böyük arzum olub. "Real”da könülsüz məşq etməyimlə bağlı iddialarla razılaşa
bilmərəm.
Əksinə, ikiqat səylə məşq edirdim. Həmişə yüksək formada olmağa
çalışmışam. Mənim vicdanım təmizdir. Meydana çıxanda bütün qüvvəmi sərf
edirdim”.
Xames müqavilə ilə "Real”a məxsusdur, "Bavariya”da icarə əsasında
çıxış edir.
