Zidan “get” desə, gedəcək
"Real”ın
qapıçısı Keylor Navas klubdakı durumu ilə bağlı danışıb.
Kaspi.az xəbər
verir ki, "Valensiya” ilə oyundan (1:2) sonra jurnalistlərin suallarını
cavablandıran Navas komandadan gedə biləcəyinə işarə edib:
"Əgər məşqçi desə
ki, get, onda gedəcəyəm. Ancaq mənim "Real”la müqaviləm var. Hələlik gələcəyim
bu klubla bağlıdır.
Mən həmişə
çalışıram məşqçini inandırım ki, qapıda durmağa hazıram. Burda qalmaq istəyirəm.
Ancaq baxaq görək gələcəkdə necə olacaq. İndi isə mövsümü müsbət notlarla
bitirməyə köklənməliyik.
Hazırda ağır dönəm
keçiririk. Mövsüm biz istədiyimiz kimi alınmadı. Bu reallığı qəbul etməliyik.
Bu, bizə səhvlərimizdən nəticə çıxartmağa yardım edər”.