Bakı 21°C
"Zeytun budağı" əməliyyatı çərçivəsində daha 3 əcnəbi terrorçu zərərsizləşdirilib
Türkiyə Silahlı Qüvvələrinin Suriyanın Afrin bölgəsində apardığı "Zeytun budağı" əməliyyatı çərçivəsində 3 əcnəbi terrorçu zərərsizləşdirilib.
Trend-in məlumatına görə, PYD və YPG terror qruplaşmalarına qarşı əməliyyat zamanı terrorçuların tərəfində döyüşən Niderland, İspaniya və Fransa vətəndaşları da məhv edilib.
Beləliklə, "Zeytun budağı" çərçivəsində zərərsizləşdirilən əcnəbi terrorçuların sayı 100-ü ötüb.
Bundan əvvəl PYD və YPG terrorçularının sıralarında ABŞ, Fransa, Almaniya, Çin, Yaponiya və digər dövlətlərin vətəndaşlarının döyüşdüyü barədə məlumat verilmişdi.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD və YPG terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.
