“Zalsburq“ - “Qarabağ“ matçının hakimləri müəyyənləşdi

Çempionlar Liqasının III təsnifat mərhələsinin cavab oyunu çərçivəsində keçiriləcək "Zalsburq" - "Qarabağ" matçının hakimləri müəyyənləşib. Apasport.az xəbər verir ki, avqustun 6-da "Red Bull Arena"da baş tutacaq görüşü şotlandiyalı referi Robert Madden idarə edəcək.
Onun köməkçiləri həmyerliləri Qraham Çambers və Alastair Mazer olacaq. Dördüncü hakim funksiyasını isə Briyan Kolvin yerinə yetirəcək.
Oyun Bakı vaxtı ilə saat 23:30-da başlayacaq. Bu komandalar arasında Bakıda baş tutan ilk görüş təmsilçimizin 2:1 hesablı qələbəsi ilə yekunlaşmışdı.