“Yuve”nin ulduzu “Barsa” və “Real”dan nə xahiş edib?
"Yuventus”un futbolçusu Paulo Dibala klubu ilə yeni müqavilə
bağlamağa tələsmir.
Kaspi.az xəbər verir ki, Dibala klubunu dəyişmək niyyətindədir. O,
İspaniya nəhənglərindən - "Barselona” və "Real”dan birinin şərəfini qorumağı planlaşdırır.
Məlumata görə, Dibala agentindən tələb edib ki, bu klublarla əlaqə
saxlasın və onlardan xahiş etsin ki, "Yuventus”a təklif göndərsinlər.
İspaniya nəhəngləri də Dibalanın xidmətində maraqlıdır. Hücumçu
"Yuve”dən özünə görə tələb ediləcək kompensasiyanın son məbləğini
konkretləşdirməyi tələb edib.
Dibalanın qüvvədə olan müqaviləsi 2020-ci ilin yayında başa çatır.