• çərşənbə axşamı, 19 mart, 12:56
  • Baku Bakı 8°C

Yunanıstanda meşə yanğını: beş oteldən turistlər təxliyə edilib

25.08.19 10:57 3817
Yunanıstanda meşə yanğını: beş oteldən turistlər təxliyə edilib
Yunanıstanın Samos adasında şiddətli meşə yanğını tüğyan edir. Qabaqlayıcı məqsədlə adadakı beş oteldən turistlər təxliyə olunub.
AZƏRTACSkai telekanalına istinadla xəbər verir ki, yanğın günün ikinci yarısında Mesokampos rayonunda başlayıb. Alovla mübarizəyə 31 yanğınsöndürən və 13 maşın cəlb edilib, qaranlıq düşənədək dörd təyyarə və iki helikopter su atıb. Sonra rayona əlavə qüvvələr və onlarla könüllü göndərilib. Axşama yaxın vəziyyət yaxşılaşıb.
Yanğın turistik rayondakı mehmanxanaların və yaşayış binalarının yaxınlığında başlayıb. Ehtiyat tədbiri olaraq əvvəlcə iki, daha sonra üç otel təxliyə edilib. Ərazidən min nəfərə yaxın insan çıxarılıb. Turistlərin bir hissəsi dəniz yolu ilə, bir hissəsi isə avtobuslarla daşınıb.
Sutka ərzində ölkə ərazisində 56 yanğının baş verdiyi, onların əksəriyyətinin başlanğıc mərhələsində söndürüldüyü bildirilir.

banner

Oxşar Xəbərlər