AZE | RUS | ENG |

Yüksək səviyyəli görüşün keçirilməsi üçün münbit şərait formalaşır

Yüksək səviyyəli görüşün keçirilməsi üçün münbit şərait formalaşır
Hazırda Ermənistan-Azərbaycan Dağlıq Qarabağ münaqişəsinin nizamlanması istiqamətində bir canlanma müşahidə olunur. Bunu Trend-ə millət vəkili Elman Nəsirov deyib.

Deputat qeyd edib ki, Azərbaycanın dövlət başçısı ilə Ermənistanın hökumət başçısı arasında artıq üç, xarici işlər nazirləri səviyyəsində isə dörd görüş keçirilib: "Bu görüşlərin sayı da onu deməyə əsas verir ki, münaqişənin tənzimlənməsi istiqamətində müəyyən dinamika var".

E.Nəsirov vurğulayıb ki, ABŞ Prezidenti Donald Trampın N.Paşinyanın baş nazir seçilməsi ilə bağlı təbrik məktubunda vurğuladığı bir fikir də diqqəti cəlb edir:

"Tramp qeyd edib ki, ABŞ ilə Ermənistan arasında ticari-iqtisadi münasibətlərin, korrupsiyaya qarşı mübarizənin daha uğurlu olması üçün Dağlıq Qarabağ münaqişəsinin tənzimlənməsi istiqamətində konkret nəticələr əldə etmək lazımdır. Yəni faktiki olaraq rəsmi Vaşinqton Ermənistanla münasibətinin gələcəyini bu münaqişənin nizamlanması ilə bağlayır. Bu, önəmli məsələdir. Bu gün Avropa İttifaqı da təxminən eyni mövqedədir".

Onun sözlərinə görə, bütün bunları nəzərə alaraq xüsusilə bir məqamın üzərində dayanmalıyıq ki, Davosda Dünya İqtisadi Forumunda Azərbaycan Prezidenti ilə Ermənistanın baş naziri arasında danışıqlar saat yarım davam edib:

"Bu danışıqlar ilk növbədə ona ünvanlanıb ki, artıq müəyyən addımlar atmağın vaxtı gəlib çatıb və bu istiqamətdə konkret işlər görmək lazımdır. Nəzərə alaq ki, xarici işlər nazirlərinin həm Milan, həm də Paris görüşündə ilk növbədə hər iki tərəfin xalqlarını sülhə hazırlamaqla bağlı konkret əməli addımların atılmasının zəruriliyi vurğulanmışdı. Məsələyə bu konteksdə yanaşdıqda hesab edirəm ki, Azərbaycan Prezidenti İlham Əliyevlə Ermənistanın baş naziri Nikol Paşinyan arasında aparılan danışıqlar həm də ona işarədir ki, yaxın vaxtlarda artıq iki ölkənin liderləri arasında yüksək səviyyəli görüşlərin keçirilməsi üçün olduqca münbit şərait formalaşmaqdadır".




Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8856
GEL 1 1 Gürcüstan larisi 0.5846
GBP 1 1 İngiltərə funt sterlinqi 2.0666
IRR 100 100 İran rialı 0.004
SEK 1 1 İsveç kronu 0.1759
CHF 1 1 İsveçrə frankı 1.7355
KWD 1 1 Küveyt dinarı 5.5864
TRY 1 1 Türkiyə lirəsi 0.3045