Yığmanın baş məşqçisi istefa verdi
Slovakiya
yığmasının baş məşqçisi Yan Kozak istefa verib.
Kaspi.az xəbər
verir ki, Kozak Millətlər Liqasında Çexiyaya məğlubiyyətdən (1:2) sonra istefa
verib. Federasiya onun istefasını qəbul edib.
Oktyabrın 16-da
İsveçlə keçiriləcək yoldaşlıq görüşünə Slovakiyanı Kozakın köməkçisi Ştefan
Tarkoviç çıxaracaq.
Ukrayna ilə Millətlər
Liqasında keçiriləcək oyuna isə Slovakiya yeni baş məşqçinin rəhbərliyi altında
çıxacaq. Kozak Slovakiya yığmasında 2013-cü ildən çalışırdı.
Bu ölkənin
yığması onun rəhbərliyi altında Avro-2016-nın 1/8 finalına vəsiqə qazanmışdı.
Slovakiya Millətlər Liqasında keçirdiyi hər iki qarşılaşmada məğlub olub.