“Yəqin ki, onu öldürməli olacağıq”
Bu gün Çempionlar Liqasının 1/8 finalında "Sevilya” "Mançester
Yunayted”lə qarşılaşacaq.
Kaspi.az xəbər verir ki, "Sevilya”nın baş məşqçisi Vinçentso Montella
oyunla bağlı fikirlərini bildirib. Montellaya "rəqibin hücumçusu Aleksis
Sançesin qarşısını necə almağı planlaşdırırsınız” sualı da verilib.
O, bu suala qısa və konkret cavab verib: "Yəqin ki, biz onu öldürməli
olacağıq”.
Qarşılaşma Mançesterdə keçiriləcək. Sançes MY-nin heyətində bütün
turnirlərdə 5 oyun keçirib, 2 qol vurub, 1 qol ötürməsi edib.