• cümə axşamı, 28 mart, 19:31
  • Baku Bakı 13°C

“Yeni mediada milli təhlükəsizliyə zidd informasiyaların qarşısının alınması günün tələbidir” adlı broşür çap edilib

28.08.15 21:06 929
“Yeni mediada milli təhlükəsizliyə zidd informasiyaların qarşısının alınması günün tələbidir” adlı broşür çap edilib
“Gənclərin sosial və internet mediasında milli təhlükəsizliyə zidd informasiyaların yayılmasına qarşı səfərbər edilməsi” layihəsi uğurla başa çatıb.
Qloballaşan Dünyaya İnteqrasiya İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyilə həyata keçirilən “Gənclərin sosial və internet mediasında milli təhlükəsizliyə zidd informasiyaların yayılmasına qarşı səfərbər edilməsi” layihəsi çərçivəsində “Yeni mediada milli təhlükəsizliyə zidd informasiyaların qarşısının alınması günün tələbidir” adlı broşür çap edib. Bu barədə ictimai birlikdən bildirilib. Broşürün, əsasən yeniyetmə və gənclər, tələbələr, eləcə də gənclər təşkilatları və QHT-lər, müvafiq qurumlar arasında paylanması nəzərdə tutulub. Broşürdə yuxarıda adı çəkilən layihənin icrası, təlimlərin və saytda əksini tapmış məqalələrin yeni ideyaverici məqamları əsasında ərsəyə gəlmiş materiallar əksini tapıb.
Layihə çərçivəsində ərsəyə gəlmiş broşür vasitəsilə yeni media və internetlə bağlı müvafiq qurumlar, QHT-lər də ekspert təklif və ideyalarından bəhrələnmək imkanı qazanacaqlar.
Qeyd edək ki, broşürün çap edilməsi ilə sözügedən layihə başa çatdırılıb. “Gənclərin yeni mediada milli təhlükəsizliyə zidd informasiyaların yayılmasına qarşı səfərbər edilməsi”
layihəsinin həyata keçirilməsi ümumilikdə yeniyetmə və gənclər arasında yeni media vasitələrində milli təhlükəsizliyə zidd informasiyalarla bağlı bilgilərin, bu baxımdan ictimai və hüquqi məsuliyyət hissinin artırılmasına önəmli dərəcədə yardımçı olacaq. Layihə çərçivəsində Bakıda və regionda keçirilmiş təlimlərdə iştırak edən yeniyetmə və gənclər, gənclər təşkilatlarının nümayəndələri, həmçinin jurnalist olmaq istəyən gənclər, tələbələr yeni media vasitələrində düzgün iştirakla bağlı bilgilərini artırmaq, məlumatlanmaq və təlimatlanmaqla yanaşı həmkarları və ictimaiyyət arasında əldə etdikləri bilikləri ötürə və təlqin edə, bununla bağlı virtual məkanda, sosial şəbəkələrdə informasiyalar yaya, bu baxımdan internetdə hüquqi, ictimai və etik məsuliyyətə uyğun yararlanma məsələlərinin təbliğ edilməsinə diqqəti, qoşulmaq həvəsini önəmli dərəcədə artıra bilirlər. Eyni zamanda təlim həyata keçirilən Masallı və cənub bölgəsi gəncləri layihədən önəmli dərəcədə faydalanacaqlar ki, bu da son dərəcə önəmlidir.
Bu məqsədlə layihə çərçivəsində yenilənmiş “yenimedia.info” saytı internetdə hüquqi və ictimai məsuliyyətin geniş miqyasda təbliği üçün önəmli, istinad etmək üçün zəngin və əlverişli internet resurslarının keyfiyyətini və sayını artırmağa şərait yaradacaq.
banner

Oxşar Xəbərlər