“Yeni Üfüq” Qubada növbətini tədbirini keçirdi - Fotolar
"Yeni Üfüq” Mənəvi İrsin Təbliği İctimai Birliyi ölkə boyunca "İslam
Həmrəyliyi – Azərbaycan nümunəsi” adlı silsilə tədbirlərini uğurla davam
etdirir. Birlikdən verilən məlumata görə,
"Yeni Üfüq” layihə çərçivəsində növbəti tədbirini Quba
şəhər mədəniyyət evində keçirib.
Tədbirin əhəmiyyəti barədə
danışan təşkilatın sədri Sevinc Əzimbəyli bildirib ki, Azərbaycan
Respublikasının Prezidenti İlham Əliyev ölkəmizdə 2017–cı ili "İslam
Həmrəyliyi İli” elan edib: "Bu ilin "İslam Həmrəyliyi İli” kimi elan
olunması ölkəmizdə birlik və bərabərliyimizin birbaşa dövlət
başçısı tərəfindən himayə olunması deməkdir. Digər tərəfdən İslam
həmrəyliyinin qorunması ölkədə sabitliyin və əmin-amanlığın davamlı
zəmanətidir. Həmrəylik qloballaşan dünyada mədəniyyətlərin dialoqunun ən yüksək
zirvəsidir”.
Qarabağ Seyid Ocaqlarının rəhbəri, şərqşünas Seyid Camal Əzimbəyli
tədbirdə çıxış edərək 2017-ci ilin "İslam Həmrəyliyi İli” elan edilməsini
hər bir ölkə vətəndaşı üçün sevindirici
hadisə adlandırıb: "İslam həmrəylinin qorunması ölkəmizdə yaşayan müxtəlif
xalqların nümayəndələrinin mədəniyyət hüquqlarının tanınması üçün uyğun
siyasətdir. Unutmamalıyıq ki, dini və milli dözümlülüyün qorunması Azərbaycan
dövlətinin ən böyük uğuru, eləcədə milli təhlükəsizliyimizin zəmanətidir”.
Tədbirdə Quba şəhər İcra Hakimiyyətinin nümayəndəsi Tariyel
İbrahimov, Dini Qurumlarla İş üzrə Dövlət Komitəsinin Quba bölgəsi üzrə
təmsilçisi Elnur Ağasiyev, şəhər ağsaqqalar şurasının sədri Həsən Günəşli, din
xadimləri, ictimaiyyət nümayəndələri və gənclər iştirak ediblər.